كافتريا الناس الرايقة
منوراني يا قمرايا ومنورني يا باشا طبعا انت جديد وانا لمحتك وانت داخل فياريت تنورني وتسجل معانا في الكافتريا بتاعتنا
عصير موجود شيشة موجودة والاكل موجود واول مرة على حسابي يا باشا

كافتريا الناس الرايقة


 
الرئيسيةالرئيسية  اليوميةاليومية  بحـثبحـث  التسجيلالتسجيل  دخولدخول  
أفضل 10 أعضاء في هذا المنتدى
Nemo
 
alaa salama
 
الصقر الجريح
 
khaled
 
المش مهندس هيما
 
ahmed.h
 
البنوته الشقيه*s
 
demo
 
hima_met
 
mando
 
المواضيع الأخيرة
» تحميل فيلم زهايمر dvd
الثلاثاء 12 أبريل 2011 - 6:49 من طرف الصقر الجريح

» الفيلم الذي ابهر العالم والحاصل على العديد من الجوائز " ميكروفون " بطولة خالد ابو النجا ويسرا اللوزي بحجم 270 ميجا
الثلاثاء 12 أبريل 2011 - 6:43 من طرف الصقر الجريح

» بمناسبة عيد ميلاد أحمد حسن مدير الموقع أجمل صور أعياد الميلاد
الثلاثاء 12 أبريل 2011 - 6:42 من طرف الصقر الجريح

» دموع العشاق
الثلاثاء 12 أبريل 2011 - 6:39 من طرف الصقر الجريح

» شعر حزين . صور
الثلاثاء 12 أبريل 2011 - 6:29 من طرف الصقر الجريح

» شعر حزين
الثلاثاء 12 أبريل 2011 - 6:29 من طرف الصقر الجريح

»  أفضل أبيات شعر الغزل
الثلاثاء 12 أبريل 2011 - 6:25 من طرف الصقر الجريح

» دموع حزينة
الثلاثاء 12 أبريل 2011 - 6:22 من طرف الصقر الجريح

» قصيدة قوية عن الفراق
الثلاثاء 12 أبريل 2011 - 6:07 من طرف الصقر الجريح

بحـث
 
 

نتائج البحث
 
Rechercher بحث متقدم
مــصـــــــرى ...... وأفـــتــــخـــــر
الأحد 13 فبراير 2011 - 19:10 من طرف المش مهندس هيما
يقــوم نــادى بـرشــلـونــة الاســــبــــانى فـــى مــــبـاراتــــة الـــســابــقــة
بالـــوقــــــوف دقـــيـــقــة احـــــداد عــلــــى روح شــــهـــداء ثــــورة 25 يـنـايــــر


ارجـــــــــــــو مـــن كـــــل عـضـــو زائـــــــــر لــــهـذا الــموضــــوع
قـــراءة الـــفـــاتـــحـــة والـــدعـــاء لــهــم بـــاالـــــرحــــمـــة والــــمـــغـــفـــرة

تعاليق: 0
التبادل الاعلاني
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 دورة احتراف عمل تترات الافلام والالبومات الموسيقية بواسطة برنامج proshow producer

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Nemo
عضو ممتاز
عضو ممتاز
avatar

عدد المساهمات : 192
نقاط : 493
تاريخ التسجيل : 20/01/2011
العمر : 23

مُساهمةموضوع: دورة احتراف عمل تترات الافلام والالبومات الموسيقية بواسطة برنامج proshow producer   الخميس 20 يناير 2011 - 13:39

السلام عليكم ورحمة الله وبركاته



النهاردة جايبلكم برنامج بقى انما ايه



خرافة .. بجد خرافة ونقدر نعمل بيه حاجات كتير اوى


 
proshow producer






 
اول شىء تقدر تعمل بيه كليب جميل عبارة عن صور بتتعرض ورا بعض وشغالة معاهم خلفية موسيقية مثلا


تانى شىء البرنامج ده تقدر تعمل بيه تترات الافلام والمسلسلات اللى بنشوفها



تالت شىء تقدر ترفع بيه الفيديو كليب على اى موقع تحبه .. وتخرجه باكتر من صيغة .. فلاش او فيديو او بطاقة او زى ما تحب


 
صراحة البرنامج ده عاوز مواضيع ومواضيع علشان اقدر اشرح فيه كل شىء لان امكانياته جبارة فى شغل الميديا


وفى نفس الوقت حجمه بسيط جدا .. 20 ميجا بس .. لكن اكبر الشركات شغالة بيه .. وبينزله كورسات كل يوم وتركات لان بجد وعن جدارة



رقم 1 فى صناعة الميديا من الصور


 
 
للى حابب يتعلم فيه انا معنديش مشكلة ابدا اشرح كل شىء اعرفه عن البرنامج


وانزلكم كمان كورسات بالفيديو عن كل تريكاته وخدعه ..


انما فى الموضوع ده هنشرح الاساسيات اللى تخليك هاوى .. والاحتراف ده يجى بعدين باذن الله


 
 
اول شىء طبعا نحمل البرنامج


 
 
لفك الضغط بسهولة يوصى بتحميل winrar


 
 من هنا 
 
وصلة تحميل البرنامج من ميديا فاير


من هنا 
وصلة تحميل البرنامج من سيرفر ملتى ابلود


من هنا
 
 
 
طيب بعد ما حملنا البرنامج نبتدى نشرح بالصور خطوات التسطيب


 
 



 













































 
 
وبكده يكون البرنامج والتسطيب والتفعيل ايضا خلص


وجاهزين للشغل عليه


 
نبتدى كده ونقول بسم الله


 
يا مسهل


 
اول شىء لازم نعرفه عن البرنامج هيكون فى الصورة دى







من رقم 1 هنقدر نتصفح الهارد بتاعنا عشان نخرج منه الصور اللى هنعمل بيها الكليب


رقم 2 ده عرض لفولدر الصور من الهارد بتاعنا .. بيعرضلك الصور الموجودة فى الفولدر


 
على اليمين خالص هى شاشة العرض اللى هنقدر نعرض بيها الفيلم فى النص او ف الاخر خالص


 
تمام اوى لحد كده


ابتدى اشتغل ازاى بقى



اول شىء خلينا نتفق اننا لو عاوزين نعمل كليب



يبقى هنعمل نيو فولدر عندنا ف اى مكان على الهارد ونحط فيه كل الصور اللى هنشتغل بيها فى الكليب وكمان الملفات الصوتية اللى هنشتغل بيها ..


 
وبعد الخطوة دى نقدر نبتدى بكل سهولة نجيب الفولدر من جهازنا ونعرضه فى البرنامج


وبعد كده نبتدى






هنبتدى نسحب الصور من البرنامج بالشكل ده صورة صورة حسب ماحنا عاوزين ترتيبهم


ونحطها فى الشريط اللى تحت


وهكذا لحد منخلص كل الصور بتاعتنا


طيب كده الصور موجودة تمام اوى .. ازاى بقى نقدر نتحكم فى طريقة عرضها ومدة عرض كل صورة .. والشكل اللى تظهر بيه وتختفى بيه


 
بص يا سيدى .. اولا البرنامج فيه امكانيات عرض كتير جدا .. بس هنشرح الاساسيات اللى فيها وانت بقى تستكشف الباقى على رواقة


اول شىء فى شريط العرض اللى تحت بين كل صورة وصورة هتلاقى ايقونة صغيرة دى فيها اشكال العرض ما بين الصور وبعضها





 
دى لما تدوس عليها هتجيبلك اشكال كتير جدا تقدر تختار بيها الفواصل وطريقة فتح الصور الجديدة





 
اختار الشكل اللى يريحك وهيظهر تحت عندك فى الشريط


وممكن تتحكم فى وقت عرض الشكل ده .. بمعنى انك تقدر تخلى الصورة تفتح بطىء او سريع


 
من التايمر او المؤقت اللى جمب الشكل نفسه





 
 
طيب ازاى اتحكم فى زمن عرض الصورة نفسها .. بحيث اخلى صور تقعد كتير وصور تعدى بسرعة


من تحت كل صور هتلاقى وقت العرض بتاعها بالثوانى .. وتقدر تغيره لاى عدد من الثوانى انت تحبه





 
 
 
طيب كده مفروض انا خلصت صح ؟؟



لا كده انت يدوب اتعلمت تحط شوية صور ورا بعض وتتحكم فى الفواصل اللى بينهم وبس


ناقص اوبشن الصور نفسها بقى وطريقة حركتها جوا الكليب نفسه وصورة تبقى بعيد وتيجى متكبرة والعكس .. وصورة تيجى بدوران .. وصورة تبتدى فاتحة وتنتهى غامقة وهكذا


ودى فيها اغلب تريكات وتكنيكات البرنامج


 
طيب ودى نعمل ازاى


بسيطة خالص ..


من شريط عرض الصور اللى تحت ندوس على اى صورة مرتين بالماوس


هيظهرلنا مربع التحكم الشامل فى الصورة .. ندوس فوق منه على كلمةeffects


ويظهرلنا الشكل ده اللى هنبتدى نشتغل عليه


 



 
رقم 1 ده شكل بداية ظهور الصورة بالظبط فى الكليب


يعنى اول ما هتظهر الصورة فى الكليب هتظهر زى رقم 1 بالظبط


 
رقم 2 ده الشكل النهائى للصورة فى اخر لقطة ليها فى الكليب .. بعد ما تثبت حركتها


 
طب ازاى اغير بقى ده كله


 
من الاوبشن اللى تحت هتلاقى اوبشن تحت الصورة رقم 1 وده خاص بيها واوبشن تحت الصورة رقم 2


 
تعالى نقرب شوية كده من الاوبشن ونتعرف عليه


 



 
رقم 1 تقدر تتحكم فى حجم التقريب بتاع الصورة ... سواء قبل او بعد ..


رقم 2 ده التدوير .. يعنى تقدر منه تخلى الصورة مايلة او مقلوبة او او .. زى متحب


 
وهكذا هتلاقى نفس الاوبشن بالظبط للصورة قبل وبعد


 
 
 
طيب لو عاوز اكتب على الصورة واتحكم فى شكل الكتابة اعمل ايه


بسيطة جدا


فوق خالص فى مربع خواص الصورة اللى كنا فيه من شوية هنلاقى كلمة caption


 
[URL]http://i46.tinypic.com/xc957b.jpg[/IMG]


ندوس عليها تدخلنا على مربع الكتابة على اى صورة


 



 
 
بس هتيجى تكتب بالعربى مش هتعرف لان البرنامج ده محتاج خطوط ابو رشيد علشان تقدر تكتب فيه بالعربى


تقدر تشوف موضوع خطوط ابو رشيد ده سهل جدا تعمله ومش هياخد منك دقيقة ..ولو معرفتش هتلاقى الشرح الكامل ليه هنا


 
من هنا
 
 
































 





طيب اظن كده خلصنا كل اساسيات الصور .. اللى نقدر نصمم بيها كليب مبدأى ومقبول شوية




فاضل ازاى نقدر نحط ملف صوت على كل الكلام ده ويبقى ماشى مع الصور ويخلص مع انتهاء عرض الصور


اول شىء ملف الصوت طبعا يكونmp3 وتقدر تعمل ملف صوت جودته عالية ومساحته قليلة علشان ميزودش حجم الكليب بتاعك .. من برنامج mp3 to ring tone


وده شرحه من هنا




 


وتقدر تعمل ميكس خاص بيك وتعدل فى ملف الصوت بتاعك وتزود عليه وتظبطه من برنامج wave pad وده شرحه من هنا




 


 


المهم ف الاخر لو عندنا ملف صوت وحابين نحطه فى برنامجproshow بتاعنا


بنسحبه بالماوس من الفولدر بتاعنا على الكمبيوتر ونحطه فى الشريط اللى تحت فى المكان ده


 





 


 


وبكده يبقى الصوت نزل فعلا على الكليب بتاعنا ونقدر نجرب العرض النهائى للكليب وندوس play جوا البرنامج نفسه





 


تمام اوى الاغنية شغالة والصور بتتحرك زى ما رتبنالها بالظبط


 


يفضل شىء واحد بس ... ويبقى عرفنا كل اساسيات البرنامج ده


 


ان الاغنية كده مبتجيش كاملة لان الصور بتخلص فى نص الاغنية طب الحل ايه ؟؟


اممممم


طيب بص كده فوق شاشة عرض الكليب فى البرنامج هتلاقى سطر كده عاوزين ناخد بالنا منه دايما





 


السطر ده مكتوب فيه بالظبط


مدة عرض الصور ع الشمال ومدة عرض ملف الصوت على اليمين


طيب ازاى نقدر نخلى الاتننين قد بعض والصور تخلص مع الاغنية بالظبط


 


بسيطة خالص


 


العب فى التوقيتات اللى تحت


توقيت عرض الصورة وتوقيت الفواصل مثلا


زود وقلل فى التوقيت لحد ما تلاقى ان زمن عرض الصور هو نفس زمن عرض الصوت


وبعد كده دوس تشغيل هتلاقى الكليب شغال زى الفل معاك


 


 


طيب احنا زهقنا بقى .. عاوزين نحفظ الخطوات دى ونبقى نكمل الكليب بعدين اى وقت ..


بسيطة خالص .. من ايقونات البرنامج اللى فوق .. دوس على save وبكده يحفظلك المشروع وتقدر تستورده ف اى وقت وتكمل فيه


(( بس لازم تكون لسة الصور المستخدمة موجودة فى نفس المكان على الهارد عندك ))


 


طيب خلصنا الكليب وعاوزين نخرجه بقى فى شكل فيديو على الهارد بتاعنا


 


بسيطة خالص


فوق من ايقونات البرنامج هتلاقى ايقونة اسمهاcreat output





 


لما ندوس عليها هيجيبلنا مربع اوبشن الاخراج بالشكل ده


 





نختار من تحت خالص كلمة فيديو فايل


 


وبعدها نقدر نحدد الجودة والكواليتى .. ونعمل سيف بشكل عادى خالص .. ونسيب البرنامج يخلص ومبروك عليكم وقتها الفيديو


 


 


 


ومعلش الشرح طويل لكن انا شايفه مفيد لاى زائر بيدور على شرح للبرنامج ده .. مش شرط يكون عضو معانا فقط هو المستفيد لان المهم كمان ان زوار كتير بتشوف الموضوع واكيد فيهم اللى عاوز يعرف الخطوات دى بالتفصيل

cheers cheers cheers cheers cheers cheers



عدل سابقا من قبل Nemo في الإثنين 14 فبراير 2011 - 16:54 عدل 2 مرات
الرجوع الى أعلى الصفحة اذهب الى الأسفل
ahmed.h
مدير المنتدى


عدد المساهمات : 43
نقاط : 97
تاريخ التسجيل : 15/01/2011
العمر : 23

مُساهمةموضوع: رد: دورة احتراف عمل تترات الافلام والالبومات الموسيقية بواسطة برنامج proshow producer   الخميس 20 يناير 2011 - 16:12

تسلم ايدك يا مرعب والله موضوع جامد
الرجوع الى أعلى الصفحة اذهب الى الأسفل
http://4you.ahlamuntada.net
Nemo
عضو ممتاز
عضو ممتاز
avatar

عدد المساهمات : 192
نقاط : 493
تاريخ التسجيل : 20/01/2011
العمر : 23

مُساهمةموضوع: رد: دورة احتراف عمل تترات الافلام والالبومات الموسيقية بواسطة برنامج proshow producer   الخميس 20 يناير 2011 - 16:29

الله يخليك يا معلم على الرد ويارب أقدر أكوون عضو فعال بينكم
الرجوع الى أعلى الصفحة اذهب الى الأسفل
Nemo
عضو ممتاز
عضو ممتاز
avatar

عدد المساهمات : 192
نقاط : 493
تاريخ التسجيل : 20/01/2011
العمر : 23

مُساهمةموضوع: رد: دورة احتراف عمل تترات الافلام والالبومات الموسيقية بواسطة برنامج proshow producer   السبت 12 فبراير 2011 - 6:31

اية ياجماعة انا جايبلكم برنامج proshow producer

فين الردود ولا البرنامج مش عاجبكم

_________________
الرجوع الى أعلى الصفحة اذهب الى الأسفل
 
دورة احتراف عمل تترات الافلام والالبومات الموسيقية بواسطة برنامج proshow producer
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كافتريا الناس الرايقة :: متنوع :: البرامج-
انتقل الى: